Það voru 22 sem hófu gönguna við Deildará og luku henni allir. Gangan tók um 6,5 klst. 242.700 kr söfnuðust. Ferðafélagið þakkar fyrirtækjum og einstaklingum sem hétu á gönguna, þeim sem gengu og öllum öðrum sem hjálpuðu til með einhverju móti.

Eftirtaldir styrktu gönguna með áheitum:
Bíladrangur
Halldórskaffi
Víkurhús
S.T. Vélaverkstæði
Leirbrot og gler
Ferðaþjónustan Vellir
Tjaldstæðið Vík
Trévík
Fagradalsbleikja
Höfðabrekka
Norður-Vík
Klakkur ehf
Framrás
Dogsledding
BVT ehf
E. Guðmundsson
Kolbrún Hjörleifs
Víkurprjón
Einar Þorsteinsson
Anna Björnsdóttir
Sævar B. Arnarson
Grappa
Auðbert og Vigfús
Ferðaþjónustan Sólheimahjáleiga
Þórisholt ehf

Myndir sem teknar voru í göngunni eru nú komnar í myndaalbúmið. Þá hef ég einnig sett inn eldri myndir.

Kv. Siggi

Eins og mörgum er kunnugt rigndi ösku yfir Mýrdal og Eyjafjöll í vetur vegna eldsumbrota í Eyjafjallajökli. Af þeim sökum hefur verið ákveðið að hætta við gönguferð í Hvítmögu Laugardaginn 17. júlí 2010. Í Hvítmögu er mikið af ösku og ekki ráðlegt að fara þangað. Við vonumst samt sem áður til að geta gengið í Hvítmögu á svipuðum tíma að ári.

Ferðafélagið ákvað á aðalfundi sínum í júní að standa fyrir áheitagöngu frá Deildará að nýbyggingu Deildarárskólans fyrir neðan Barð, leiðin er um 15 km. Farið verður af stað klukkan 10:00 sunnudagsmorguninn 18. júlí og er áætlað að gangan taki um sex klst. Öllum er velkomið að ganga með en æskilegt er að fólk sé í einhverju gönguformi. Nú þegar er byrjað að safna áheitum frá fyrirtækjum og einstaklingum. Mikilvægt er að fólk skrái sig í gönguna annaðhvort á myrdalur@gmail.com eða hjá Guðjóni s: 8588179 eða Eiríki s: 8662632 fyrir 16. júlí.

Hvert fyrirtæki eða einstaklingur heitir x kr á hvern þann sem klárar gönguna, þ.e. gengur frá upphafi til enda. Þess vegna er mikilvægt fyrir okkur að fá þig til að ganga með okkur.

Sú upphæð sem safnast af þessari áheitagöngu er til fjáröflunar uppbyggingu Deildarárskólans.

Að göngu lokinni verður seldar léttar veitingar í Deildarárskóla en göngufólk fær að sjálfsögðu fríar veitingar.

Hlökkum til að sjá ykkur sem flest

Ferðafélag Mýrdælinga

Ekkert varð af jónsmessugöngunni í kvöld þar sem aðeins 3 voru mættir. Vonandi gengur betur næst.

Kv. Siggi

Jónsmessuganga:
 
Miðvikudaginn 23. júní 2010
Mæting á bankaplanið í Vík kl. 20:00 með miðnæturnesti.
Ekið þaðan að gamla afréttarkofanum í Ausubólshólum í Kerlingardalsafrétti.
Gengið verður um Ausubólshóla inn undir Kerlingar og inn í Raufargil.
Í bakaleið verður stoppað í Deildarárskóla og þar snætt nestri áður en ekið verður heim.
Upplýsingar gefur Sigurður í síma 8690170.
 
Ferðanefnd

Aðalfundurinn tókst mjög vel, málefnalegar umræður. 10 félagar mættu. Hef sett 3 myndir frá fundinum inn í myndsafnið.

Kv. Siggi

Göngunni sem vera átti í kvöld er aflýst.

Ferðanefndin

Aðalfundur Ferðafélags Mýrdælinga verður haldinn í Leikskálum þriðjudaginn 8. júní 2010 kl. 20:30.
Fundarefni:
1.Venjuleg aðalfundarstörf
2. Önnur mál

Stjórnin

Ákveðið hefur verið að aflýsa gönguferð í Hjörleifshöfða í kvöld vegna veðurs.

Ferðanefnd

Fyrsta kvöldganga ársins verður n.k. fimmtudag 6. maí.
Gengið verður á Hjörleifshöfða. Mæting á bankaplanið í Vík kl. 20:00
Sama gjald og í fyrra, kr. 500.- fyrir félagsmenn og kr. 700.- fyrir aðra.

Ferðanefndin

Nú er jeppaferðin með Austur Skaftfellingum n.k. sunnudag 21. mars
Sjá ferðaáætlun.

Kv. Siggi

Ferðanefnd hefur sett upp ferðaáætlun fyrir árið 2010. Fyrsta ferð verður jeppaferð á Skeiðarársand í samstarfi við Austur Skaftfellinga.

Þrír félagar fóru inn í afrétt í dag, það voru Gunnar Halldórsson, Jón Hjálmarsson og undirritaður. Tókst okkur að setja járn vestan á skúrinn og loka hurðargatinu með hurð sem rekin var saman á staðnum. Þar með telst húsið fokhelt. Nokkuð er eftir að snudda við áður en telja má húsið klárt fyrir veturinn. Engin myndavél var með í dag en bætt verður úr því í næstu ferð.
Sigurður Hjálmarsson

náðist við að setja járnið á Deildarárskóla í dag. Þá var einnig komið með snyrtiskúrinn okkar inn í afrétt og var  gengið frá honum þar. Eftir er að ganga frá öllum lögnum en trúlegast verður það ekki gert á þessu ári.
Mikið dagsverk er að baki og vill undirritaður þakka öllum þeim sem tóku þátt í þessu mikla verkefni í dag, kærlega fyrir vel unnin störf..
Myndir eru komnar í myndasafnið.
Kveðja
Sigurður Hjálmarsson form.

Gangan í Huldufjöll s.l. laugardag tókst mjög vel, veður var gott og allir mjög ánægðir. Það voru 32 sem tóku þátt í þessari göngu sem tók um 11 tíma. Myndir eru nú komnar inn í myndsafnið og vonandi koma fleiri fljótlega.
Sigurður Hjálmarsson.

Gönguhópur frá Ferðafélagi Árnesinga heimsótti Mýrdalinn um síðustu helgi. Undirritaður fór með þeim úr Þakgili upp á Mælifell og niður Barð. Hef nú sett nokkrar myndir frá göngunni inn í myndsafnið.
Sigurður Hjálmarsson